top of page

O Curso ten unha duración de 20 horas, divididas en 4 módulos formativos, con posibilidade de 10 horas a maiores para quen queira complementar a formación con traballo teórico-práctico*, sustentado na metodoloxía de aprendizaxe servizo. 

​

​O Curso parte do recoñecemento dunha mínima reflexión previa sobre a cuestión de xénero. A partir da mesma, repensaremos colectivamente os enfoques dende os que se aborda a acción social e a loita feminista.

​

Traballaremos con metodoloxías participativas, co obxecto de incorporalas como formas de acción na transformación dos nosos contextos: no traballo con homes, no acompañamento a mulleres que sofren violencia de xénero, nas acción de incidencia social, etc.

​

​

En todos os obradoiros proporanse metodoloxías que combinen os espazos de exposición con outros nos que debater e levar á práctica os elementos analizados (traballos en equipas, dinámicas grupais...).

​

Na parte expositiva compartiranse diferentes elementos tanto audiovisuais como referencias que permitan ás persoas participantes contar con materiais para profundar temas abordados e que poidan ser empregados posteriormente en diferentes ámbitos.

​

Esta formación pode complementarse posteriormente cunha aprendizaxe na acción, participando dos programas de voluntariado da nosa entidade, vinculados ás liñas traballadas.

​

A formación é impartida por persoas expertas de cada unha das áreas de actuación abordadas e acompañada por coordinadora de voluntariado da entidade.

​

* Imprescindible para quen solicita créditos ECTs da USC (solicitados, aínda sen confirmar que sexan concedidos)

 

​

bottom of page