![](https://static.wixstatic.com/media/11062b_d01cf48782824880a5b8f3229886f9f8~mv2_d_3000_1688_s_2.jpg/v1/fill/w_288,h_162,al_c,q_80,usm_0.66_1.00_0.01,blur_2,enc_auto/11062b_d01cf48782824880a5b8f3229886f9f8~mv2_d_3000_1688_s_2.jpg)
VOLUNTARIADO DE ALIAD ULTREIA
Aliad Ultreia somos unha asociación que traballa na mellora da calidade de vida de persoas e colectivos en risco de explusión social, especialmente persoas drogodependentes, persoas presas e muller vítima de violencia de xénero, incluída a trata e explotación sexual.
Dende a nosa entidade entendemos que a vulnerabilidade destes colectivos non se sitúa tanto en carencias que sufre a persoa, como na propia organización das nosas sociedades, que promove dita exclusión.
Confiamos na participación social como ferramenta de transformación destas realidades, de sensibilización e de incidencia social e política, dende un concepto de voluntariado transformador.
Confiamos na potencialidade das persoas que se achegan á nosa entidade a participar, incorporándoas á nosa equipa de traballo e apoiándoas no impulso das súas propias iniciativas.