Obradoiro de restauración na cadea
- Silvia Dopazo
- Jul 19, 2017
- 1 min read
En Aliad Ultreia confiamos nas segundas oportunidades, por iso non dubido en acoller a proposta da nosa voluntaria Silvia Dopazo Fernández. A súa idea é realizar coas mulleres presas no Centro Penitenciario de Bonxe un taller de restauración no que darlle unha segunda oportunidade a mobiliario e obxectos de decoración antigos.
Como decoradora de interiores, Silvia pretende ademais, desenvolver as capacidades das internas para valorar o espazo, a decoración, a disposición dos obxectos no contorno, etc., visualizando melloras que permiten facer máis acolledor o seu espazo de vida, coa mirada posta permanentemente en mellorar -restaurar- o que temos.
Solicitamos un encontro co subdirector de Bonxe para valorar a proposta, coñecer o espazo e posibilidades de restauración e sondear o interese das persoas reclusas en participar. Seguiremos informando!!