Esta iniciativa dá continuidade ao obradoiro de teatro que Cristina Collazo realizou o ano pasado na prisión de Monterroso, no marco da Convocatoria de Acción Voluntaria do Plan de Animación Sociocultural. Foi esta unha experiencia moi ben valorada, tanto polas persoas presas como pola propia Cristina. Abonda con coñecer un pouco o carácter de Cristina para imaxinar unha conexión directa cos reclusos dende o primeiro momento, onde a risa é unha canle para facer que a cadea sexa algo menos cadea, e o corpo unha forma de expresión moi importante, tamén no coidado da nosa propia mente.