top of page

Módulo 3. O NOSO BERRO DENDE AS REDES

Ciberactivismo feminista

Dinamiza Feminista Ilustrada

Sábado, 7 de outubro, de 10:00 a 14:00 e de 16:00 a 20:30

Hoxe en día as representacións e imaxinarios que se xeran nos medios de comunicación seguen reflectindo a mirada patriarcal, e segue sendo esa mirada a que decide que feitos, acontecementos e protagonistas son a nova do día. Persiste a necesidade de promover outras voces, visións e representacións do mundo que promovan a igualdade e mostren outras realidades posibles.

​

Nos últimos anos, o uso das TIC foi determinante na creación da axenda feminista. A internet e as súas ferramentas de difusión son, a día de hoxe, unha das vías máis democráticas e accesibles na nosa entorna para posicionar voces e visións diversas. Por iso é fundamental non solo coñecer ás novas tecnoloxías senón apropiarse delas, para reflexionar conxuntamente e crear alternativas dende o activismo feminista.

​

O uso das redes sociais e as diferentes ferramentas e técnicas comunicativas convértense nun espazo de referencia para visualizar outras formas de estar e pensar o mundo. As reivindicacións que os feminismos asumiron na construción da súa práctica e teoría enriquécense nestes espazos virtuais cos aportes, tanto individuais como colectivos, das voces diversas de persoas que dialoga sobre aquilo que as interpela como cidadás.

​

Apropiarse nos espazos, construír contidos, crear redes empregando as novas tecnoloxías como ferramenta é unha opción poderosa para promover cambios na sociedade.

​

Para elo este módulo busca:

​

  • Cuestionar o que hai en nós de tecnófobas e debater sobre o uso das redes sociais

  • Coñecer que é iso do ciberfeminismo

  • Aproximarnos ao movemento feminista en Internet

  • Crear unha minicampaña de incidencia política a través de ilustracións

​​

Para elo temos a sorte de contar con Feminista Ilustrada un colectivo que naceu para dar visibilidade ás situacións de machismo cotián, ese que no se adoita detectar a simple vista. Con retranca e humor, a través de ilustracións, buscan achegar ás persoas menos próximas ao feminismo a mensaxe de igualdade, facendo fronte ás barreiras invisibles que impiden comprender o discurso de maneira lóxica. Con elas traballaremos como difundir o noso discurso de forma clara e directa, accesible a quen non adoita cuestionarse estes temas.

bottom of page